د طالبانو استخباراتو په هرات ولایت کې یو ځوان نیولی او یوه اونۍ وروسته یې مړ جسد کورنۍ ته سپارلی دی.
د سرچینې په وینا د طالبانو استخباراتو د دغه ځوان مړی د جمعې په ورځ د هغه کورنۍ ته وسپاره.
سرچينه زياتوي، دغه ځوان چې حکمت الله نومېږي شاوخوا يوه اونۍ وړاندې په هرات ښار کې نيول شوى و.
سرچينې زياته کړې، چې د حکمت الله پر بدن د سختو وهلو او ټپونو نښې ليدل کېږي، چې ښايي تر سختو شکنجو وروسته يې ساه ورکړې وي.
د حکمت الله د نيول کېدو لامل لا نه دی څرګند.
دا په داسې حال کې ده چې په تېرو درېيو کلونو کې طالبانو د پخوانيو سرتېرو، او ولسي وګړو په ګډون لسګونه افغانان نيولي، شکنجه کړي او په وحشيانه ډول يې وژلي دي.
