په هلمند ولايت کې يوې ښځې خپل خاوند ځکه وژلی چې خاوند يې دوهمه کوژدن/کوزه کړې وه.
ځلا نيوز ته د هلمند څخه سرچينې وايي چې دا پېښه تېره ورځ د دې ولايت په سنګين ولسوالۍ کې شوې ده.
د وژل شوي کس نوم (شين ګل) ښودل شوی دی چې د خپلې مېرمن لخوا په قتل رسول شوی دی، که څه هم دا نه ده روښانه شوې چې ياد کس يې په څه ډول وژلی خو د وژل شوي کس په انځور کې وينه داسې ښکاري لکه هغه چې په مرمۍ ويشتل شوی وي.
د يادې ښځې د نيول کېدو په اړه لا تر اوسه پورې دقيق مالومات نشته خو ويل کېږي چې د دې ښځې پلارګنۍ د سنګين ولسوالۍ په شرافت بازار کې اوسېږي.
دا په داسې حال کې ده چې څو اوونۍ وړاندې د هلمند په ګريشک ولسوالۍ کې يوې ښځې د خپل واده څخه څو ورځې وروسته د خپل خاوند تناسلي اله پرېکړې وه.
