پاکستاني رسنیو خبر ورکړی، چې له پاکستاني ځواکونو سره په نښته کې اته طالب جنګیالي وژل شوي او ۱۶ نور ټپیان شوي دي.
د دغو راپورونو له مخې د خلیل او جان محمد په نومونو د افغان طالبانو دوه مهم قوماندانان هم په وژل شویو کې شامل دي.
جيو نيوز د پاکستان د امنيتي ځواکونو د اړوندو سرچينو له خولې ليکلي، چې: ”
«د وږي په ١٧مه، افغان طالبانو له پرمختللو وسلو په استفادې په پيلواسين کې پر پاکستاني پوستو ډزې وکړې.»
پاکستاني رسنيو پاکستان ته د اوښتو زيانونو او تلفاتو په اړه څه نه دي ويلي.
دا په داسې حال کې ده چې دوه ورځې وړاندې د خوست په ميدان ځاځي ولسوالۍ کې د طالبانو او پاکستاني ځواکونو ترمنځ نښته رامنځته شوه.
که څه هم د طالبانو د ملي دفاع وزارت تر اوسه د دې جګړې او د خپلو تلفاتو په اړه څه نه دي ویلي خو پر ټولنيزو رسنيو د يوشمېر وژل شويو طالبانو انځورونه هم خپاره شوي وو.
دا په داسې حال کې ده چې تر دغې جګړې دوه ورځې وړاندې هم طالبان او پاکستاني ځواکونه د شپې مهال په نښته اخته شوي وو.
