د افغانستان د ازادو مبارزو لوبغاړي واحد نژد تېره شپه په یوه لوبه کې د چک جمهوريت څخه خپل سيال جاکوب باهينګ ته سختي ماتي ورکړه.
د ازادو مبارزو دغه لوبه په جرمني کې د اوکتاکون سازمان تر چتر لاندی ترسره شوه تر درې پړاوه سيالۍ وروسته د لوبڅارانو د پريکړي په اساس ښاغلی واحد نژد د ډيرو نمرو په اخيستل د لوبې ګټونکی اعلان شو.
افغان لوبغاړي نژد چې ۳۰ کاله عمر لري د خپل سيال سره په ۷۴ کيلو ګرامه وزن کي په درې پړاوه کې پنځه- پنځه دقیقې ولوبيد او سيالۍ يې وګټله.
دا په داسي حال کې ده چې ښاغلي نژد تر دې وړاندي ددغه سازمان د۹ ترسره شويو لوبو څخه ۷ ګټلې او دوه یې بايللي دي.
