ایلون ماسک تازه اعلان وکړ چې د ايکس اوږدې ویډیوګانې به ډیر ژر په سمارټ تلویزیونونو کې شتون ولري.
مخکې لدې چې ماسک دا څرګندونې وکړي، فارچون مجلې راپور ورکړ چې د ايکس ټولنيزه رسنۍ غواړي راتلونکې اوونۍ د امازون او سامسنګ کاروونکو لپاره د تلویزیون اپلیکیشن جوړ کړي.
د هغو راپورونو له مخې چې د خالي/شنبې په ورځ د کب په ۱۹ خپاره شوي دي، دې پلیټ فارم د تیر اکتوبر په میاشت کې یو شمیر کاروونکو ته د ویډیو او غږیزې اړيکي لومړنۍ نسخه چمتو کړه، او دا ځانګړتیاوې د ایلون ماسک د پلان سره سمي تر سره کېږي چې د پیغام رسولو څخه نيولې تر هرې نقطې پورې د تادیاتو پورې د ادايتي او نورو خدماتو وړاندې کول دي.
ماسک د ایکس کارونکي پوسټ ته ځواب ورکړ چې « دا ډېر ژر راځي » کارونکي پوښتنه کړې وه چې ایا اوږدې ویډیوګانې مستقیم په سمارټ تلویزیونونو کې کله راځي.
د فورچون د راپور له مخې، دا اپلیکیشن د دې وړتیا لري چې د تلویزیون اپلیکیشن په څیر وچلېږي. يوې بلي نامالومي سرچينې بيا ويلي چې ماسک پلان لري چې له یوټیوب سره سیالي وکړي.
