د طالبانو د ريس الوزرا اداري مرستي سېال عبدالسلام حنفي تازه ويلي چې د ملګرو ملتونو سازمان بايد چې د طالبانو حکومت د رسميت پېژندنې لپاره جدي ګامونه واخالي.
عبدالسلام حنفي دغه خبري پرون د يونۍ/يکشنبې په ورځ د سلواغې پر ۲۹مه نېټه په کابل ملګرو ملتونو د منشي د مرستيال کانوګناراجا سره د ليدني پر مهال کړي دي.
په همدې حال ښاغلي حنفي زياته کړې چې په بېلابېلو برخو کې د طالبانو د موثرو کړنو په پار بايد چې د ملګرو ملتونو سازمان د دوی د حکومت د رسميت پېژندنې په اړه جدي ګامونه واخلي.
دا په داسې حال کې ده چې د افغانستان په اړه د ملګرو ملتونو په کوربه توب د قطر هېواد په پلازمېنه دوحه کې د ۲۸ هېوادونو په ګډون غونډه جوړه شوې ده.
ويل کېږي چې که څه هم طالبان دې غونډه ته ور بلل شوي وو خو طالبانو ملګرو ملتونو ته په دې غونډه کې د ګډون يو لړ شرطونه ایښي وو چې د هغو شرطونو د نه منل کېدو په خاطر طالبانو په دې غونډه کې ګډون ونکړ.
