په خيبر پښتونخوا کې په ۲۰۲۳ کال کې نژدې ۶۰۰ پاکستاني پوځيانو او پوليسو ته مرګ ژوبله اوښتې ده
د خيبر پښتونخوا د ترهګرۍ سره د مبارزې اداره وايي چې په روان ۲۰۲۳ کال کي په وسله والو حملو کې ۱۸۴ نظاميان وژل شوي او ۴۰۸ تنه ټپيان شوي دي.
دې ادارې د پنځنۍ/پنجشنبې په ورځ په يوه خبر کې ويلي چې په ۲۰۲۳ کال کې يې د ترهګرو د ځپلو پر ضد تر ۲۰۰۰ زيات عمليات تر سره کړي دي.
د دې سره هممهاله د پنجاب په راولپنډۍ کې د ترهګرو د ځپلو لپاره د پاکستاني پوځيانو يوه ناسته هم ترسره شوې ده.
د پاکستاني پوځ په اعلاميه کې راغلي چې تحريک طالبان پاکستان په افغانستان کې ازادانه فعاليتونه کوي او پرمختللي وسلې او روزنې ترلاسه کوي.
